miðvikudagur, október 27, 2004  

sArs fór á listasýningu - og fÉkk heimþrá!

Hin íslensk-ættaði Ólafur Elíasson er með sýningu hér í bæ - ef þúrt ekki búin/nn að kíkja - drífðu þig því hann er að gera drulluflotta hluti. Ég get samt ekki sagt að mér hafi liðið vel á sýningunni þarsem það kom yfir mig glæný tilfinning: HEIMÞRÁ! hef aldrei fengið það áður held ég... en þetta var ekki venjuleg heimþrá - heldur hálendisþrá! Hann Óli notar svo mikið af náttúruefnum sem fyrirfinnast uppá hálendi - efnunum og litunum sem ég var umlukin í sumar uppá hálendi. ég man ekki eftir því að hafa saknað íslensks malts, kóks, nammis eða annarra munaðarvara sem íslendingar erlendis eru að röfla yfir að sig vanti - en mig langar í 190 metra vatnsfoss, bút af hrafntinnu, jökulárflúðir í andlitið og apalhraunsrispu á knéð. getur einhver sent mér?

annað: danska stelpan sem leigir hitt herbergið í þessarri íbúð sem ég bý í hleypti óvart inn sjónvarpsrukkaranum um daginn - og það kostar mig 12000 ísl.kr. takk f. takk! Helvítis beikonétandi, salsadansandi, popplagahlustandi, kvennablaðalesandi, snoopy-inniskóeigandi baunalandsverji!! og ég var ekki einusinni heima og horfi ekki nema rétt svo á Frasier yfir kvöldmatnum... og svo hættir þetta gamla sjónvarp mitt að virka, því það virkar bara í svona 40 mín. í senn. hvern á ég að lemja???


posted by sArs | 22:53


sunnudagur, október 24, 2004  

kAffi? Te?.... kAffi? te?.... kAffi? tE?......
- auðvitað er þreytandi að þurfa að rölta um í 30 þúsund feta hæð í háum hælum, með bros á vör (og jafnvel varalit á tönnunum) og bjóðast til að skenkja í plastglÖs þreyttra ferðalanga sem flestir sitja allt og þröngt og vita ekki hvar þeir eiga að hafa lappirnar. Ekki gæti ég verið flugfreyja.
Á leið minni frá kaupmannahöfn til Brussel (til að komast til Asíu þarna um daginn) flaug ég með SN Brussel Airlines - flestir um borð voru á leið á viðskiptafund sýndist mér (hvað annað á mar svosem að gera í Brussel?) ÞEgar flubban kom valsandi í áttina að mér með "kaffi?.....te?" gaf ég dömunni merki og hún rétti mér kaffibolla - en eitthvað voru handahreyfingar okkar ekki að tala saman og helltist kaffið yfir viðskiptajöfurinn í sætinu við hliðina á mér! maðurinn var lítið sáttur og fínu jakkafötin ekki mikið þurr lengur.... auðvitað ekki mér að kenna - en ég sá að hann var að heimta skaðabætur þegar allir voru staðnir upp og voru áleið að ná í töskur sínar.
-Þetta er kannski ekki merkileg saga, nema hvað að hið nákvæmlega sama gerðist á leiðinni til baka!! ég hef ekki einu sinni sÉð flugfreyju hella kaffi yfir farþega fyrr....og svo lendi ég í þessu tvisvar í röð! Seinna skiptið sagði ég líka við sessunaut minn að þetta væri ekki flubbunni að kenna, heldur að það hlytu að vera álög á mér á þessarri flugleið...

góð ráð eftir reynslunna: ekki sitja við hliðina á mér milli köben og brussel.

posted by sArs | 13:00